Një ngjarje e rëndë ka ndodhur mëngjesin e sotëm në Librazhd, ku një çift të rinjsh kanë mbërritur të helmuar në spitalin e qytetit.
Mësohet se Olsian Hajdari 27 vjec, dhe Rezarta Hajdari 19 vjeçe kanë helmuar veten, ndërkohë që e reja ka ndëruar jetë, pak minuta pasi ka mbërritur në spital.
Burime bëjnë me dije për Faxweb.al se 27 vjeçari është dërguar në spitalin e Elbasanit, po ashtu në gjendje të rëndë për jetën.
Të njëjtat burime bëjnë me dije se të rinjtë ishin martuar të dielën, ndërsa mbeten të paqarta rrethanat që kanë shtyrë të rinjtë drejt aktit ekstrem.
Nëse shohim profilet e tyre në rrjetet sociale, ata postonin foto të njëri tjetrit, shoqëruar dhe me fjalë të ngrohta, ku nuk mungojnë as pamjet nga dasma e tyre që u mbajt të dielën.
Çifti u pikas në gjendje të rëndë nga nëna e Olsianit.
Njoftimi i policisë:
Në Spitalin e Librazhdit ka shkuar pa shenja jete shtetasja R.H., rreth 19 vjeçe, si dhe bashkëshorti i saj shtetasi O.H., 27 vjeç, në gjendje të rëndë shëndetsore dhe ndodhet nën kujdesin e mjekëve, banues në fshatin Xhyrë , Librazhd, pasi dyshohet se janë vetëhelmuar.
Grupi hetimor ndodhet në vendngjarje dhe po punon për zbardhjen dhe sqarimin e plotë të rrethanave të ngjarjes.
(E.K/Faxweb.al)
Discussion about this post