Ditën e djeshme fotoja e një fëmije që ishte varur sipër pemës, u bë virale në rrjet. Ndërkohë lidhur me publikimin e saj ka reaguar dhe Policia e Elbasanit.
Nga ana e saj janë shoqëruar tre persona, mes tyre dhe i ati i fëmijës.
Babai i djalit është shprehur se i biri nuk është dhunuar dhe se veprimin e ka bërë vëllai i tij në formë shakaje përpara dy viteve.
Mbi personat në fjalë rëndon akuza “Keqtrajtimi i të miturit”. Theksojmë se edhe pse ngjarja kishte ndodhur dy vite më parë xhaxhai e ka ripostuar foton në rrjet.
Policia e Elbasanit bën me dije se:
Specialistët e Seksionit për Hetimin e Krimit në Komisariatin e Policisë Librazhd shoqëruan 3 shtetas nga fshati Zdrajsh, Librazhd, mes tyre edhe babain e djalit 6-vjeçar.
Në deklarime, babai i fëmijës ka pohuar se djali nuk është dhunuar, por këtë veprim vëllai i tij e ka bërë para dy vjetësh në formë shakaje. I pranishëm ka qenë dhe ai vetë.
Lidhur me këtë rast hetimet vazhdojnë në bashkëpunim me Prokurorinë e Rrethit Gjyqësor Elbasan. Policia sekuestroi një aparat celular në cilësinë e provës.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Keqtrajtimi i të miturit” parashikuar nga neni 124/b i Kodit Penal.
(E.K/FAXWEB)
Discussion about this post