Fotot na janë bërë një nga gjërat që nuk i harrojmë, po që shesh merremi me to. Një shkak i madh për të janë bërë rrjetet sociale dhe një nga gjërat më të rëndësishme aty është fotoja e profilit. Kërkimet e reja kanë zbuluar se fotoja e profili nuk kërkon të tregojë vetëm stilin e ri të flokëve apo të mjekrës, por gjithashtu zbulon personalitetin dhe karakterin e njeriut. Sipas një studimi të ri nga Universiteti i Pensilvanisë, zgjedhja e fotos së profilit në Facebook bën që ju të jeni pjesë e 5 grupeve personalitetesh: neurotikët, të këndshmit, të ndërgjegjshmit, ekstrovertët dhe të hapurit ndaj eksperiencave.
Të hapurit ndaj eksperiencave:
Shumica e atyre që pozojnë me ndonjë objekt janë të hapur ndaj eksperiencave të reja, dhe gjithashtu ka shumë gjasa që të kenë foto me të tjerë. Nëse je me ndonjë kafshë me vete, apo me ndonjë instrument muzikor, këto foto tregojnë që nuk ke frikë se mos dukesh pak si “i çmendur” apo të provosh gjëra të reja.
Neurotikët:
Njerëzit që janë neurotikë kanë tendencën ta kenë të vështirë të kontrollojnë emocionet negative. Si rezultat, ata kanë pak gjasa të kenë një foto profili ku pozojnë me të tjerët – ose madje dhe një foto të vetë vetes së tyre. Në vend të fotos së tyre u pëlqen të vendosin foto objektesh, vendesh apo kafshësh.
Të ndërgjegjshmit:
Njerëzit e ndërgjegjshëm e gëzojnë jetën kur ajo është në rregull, dhe preferojnë një sjellje të thjeshtë dhe vetë-disiplinuese. Kjo prezantohet nga një foto profili perfekte, ku edhe fija më e vogël e flokut është në vendin e vet. Këto njerëz kanë tendencën të duken më të mëdhenj nga sa janë, duke veshur rroba serioze dhe syze. Ajo që është më interesante është fakti se ky grup ka më shumë gjasa të shprehë emocione në fotot e tyre. Ata qeshin dhe duken të lumtur në foto pasi kështu mendojnë se duhet të jesh në një foto profili.
Të këndshmit:
Këto që bëjnë pjesë në këtë kategori ka më shumë gjasa të jenë të lumtur dhe të shkojnë mirë me të tjerët. Foto e tyre e profilit do ta reflektojë këtë nëpërmjet përdorimit të ngjyrave, dhe ka më shumë gjasa të jenë duke qeshur në foto.
Ekstrovertët:
Edhe ekstrovertët gjithashtu kanë foto me ngjyra shumë, kjo sepse ata janë të lidhur me botën e jashtme. Dhe ndryshe nga njerëzit e ndërgjegjshëm , këto kanë tendencën të pozojnë me njerëz më të rinj dhe ta bëjnë veten të duken më të rinj nga sa janë. (J.V/Shuplaka)
