Mackenna Newman është një 17-vjeçar nga Kalifornia, i cili mund të ketë babain më romantik në botë tani për tani. Kështu shkruan prestigjiozja “The Independent” në një artikull me titull: Babai në një mision për t’i bërë shoqëri gruas, e cila qëndron e izoluar për t’u trajtuar nga kanceri.
Nëna e Mackenna-si, e cila është diagnostikuar me kancerin e tiroides në tetorin e kaluar, javën e shkuar kaloi në izolim gjatë trajtimit të saj me rreze.
Një ditë më parë, Mackenna ka publikuar një fotografi të përgjigjes mjaft prekëse të babait për ndarjen e tyre.
“Babai im ngriti një tavolinë në derën e saj për t’i bërë asaj shoqëri ndërkohë që unë vetëm qaja.”, shkruan 17-vjeçari krahas fotos.
“The Independent” shkruan se babai Mackenna-s Jon, ka qëndruar jashtë dhomës bashkëshortes “gjatë gjithë kohës”, por kjo nuk është e pazakontë për të.
“Jon shkon në vizitat e çdo mjeku, çdo test gjaku, çdo operacion, çdo rrezatim. Dhe siç mund ta shihni, nëse ai nuk mund të jetë pranë meje, ai është aq shumë sa po mundet”.
Historia e Jon, Merci dhe Mackenna-s ka prekur gjithë përdoruesit e rrjetit social twitter dhe foto është pëlqyer nga mijëra persona. (D.D/Shuplaka)
Discussion about this post