Sekretari Ndërkombëtar pranë Lëvizjes Socialiste për Integrim, Ralf Gjoni falenderon kreun e LSI-së Ilir Meta, për përfshirjen e tij në listat e kandidatëve për deputet.
Ish-Këshilltari i Kuvendit ka zgjedhur që falenderimin e tij ta bëjë përmes një fotoje ku shihet krah presidentit të zgjedhur Metës, ku të dy shihen mbi biçikletë.
Sakaq, Gjoni nuk ka hezituar të dërgojë edhe një mesazh për opozitës, për të cilën shkruan: “Biçikleta elektorale nis neser zyrtarisht rrugetimin e saj ne nje terren te helmuar me papergjegjshmeri. Nuk dua t’i imagjinoj zgjedhjet pa opoziten, por edhe pengmarrje nuk mund te kete”.
REAGIMI I PLOTË I GJONIT
“Mirenjohje forumeve te Levizjes Socialiste per Integrim dhe Kryetarit te saj Ilir Meta qe pas Sekretariatit Nderkombetar dhe Drejtimit te Komisionit per Turizmin, me kerkuan te isha pjese e listes se kandidateve per deputet ne Tirane.
E pranova kete pergjegjesi te re me kenaqesi sepse e shoh kandidimin si nje shans te arte per te qene pjese e nje ekipi te shkelqyer plot energji qe do dije te perfaqesoje interesat e qytetareve te Qarkut te Tiranes ne Kuvendin e ardhshem te Shqiperise.
Bicikleta elektorale nis neser zyrtarisht rrugetimin e saj ne nje terren te helmuar me papergjegjshmeri. Nuk dua t’i imagjinoj zgjedhjet pa opoziten, por edhe pengmarrje nuk mund te kete.
Vendi ka nevoje per pozitivitet, per cilesi perfaqesimi dhe per nje drejtim te ri. Ne sot ndjejme barren e pergjegjesise per t’i dhene frymemarrje shpreses se shqiptareve per nje jete me te mire e per nje shans me shume se sa situata e zymte aktuale, te cilen miq, nuk e meritojme…” (D.D/Shuplaka)
