Një miqësi e krisur për të cilën askush nuk tha asgjë. As Rezarta dhe as Zaimina nuk kanë dashur të komentojnë çfarë ndryshoi në raportin e tyre të ngushtë.
Prej disa muajsh, dy bukuroshet e njohura nuk postojnë më foto e video me njëra-tjetrën, as udhëtojnë më si dikur. Madje, Rezarta nuk ka qenë e pranishme as në momentet më të bukura të Zaiminës siç ishte baby shower pak para lindjes apo edhe në lindjen e Khloe.
Të paktën kjo ‘krisje’ është kuptuar përmes rrjeteve sociale, megjithëse të dyja vajzat nuk kanë dhënë asnjë deklaratë për raportin e tyre dhe as për arsyet e kësaj ftohtësie.
Megjithatë, sot diçka ka ndryshuar. Kush mund të rrinte pa reaguar pas kësaj fotoje kaq të ëmbël të vajzës së Zaiminës, e cila për herë të parë me portretin e plotë, përshëndet të gjithë miqtë virtualë të mamit.
Duke gëzuar 8 Marsin e saj të parë si nënë, Zaimina ka postuar foton e së bijës në Instagram, por ndoshta as ajo vetë nuk e ka pritur që mes komenteve do të gjente edhe diçka nga mikesha e saj e vjetër, Rezarta: “Goca ime e vogël”, – shkruan Rezarta pas kësaj fotoje të së voglës dhe i menjëhershëm ka qenë reagimi i Zaiminës.
Këngëtarja e ka përshëndetur Rezin me puthje, pas komentit, si për t’u treguar të gjithëve se gjërat janë normalizuar ose se asgjë nuk paska ndryshuar.
Kur në mes janë fëmijët, sado të forta të jenë mëritë, zerohen para fuqisë së tyre të mbinatyrshme.
