Vetëm dy ditë më parë, në Ditën e Shën Valentinit, një burrë u fotografua teksa mbante në dorë një trëndafil të kuq. Silueta e tij u pikas dhe fotografua nga një fotograf italian në Shqipëri, Francesco Acone, dhe shumë shpejt fotoja u shndërrua në virale duke bërë për vete njerëzit, të cilët u shprehën se ky është kuptimi i vërtetë i festës.
Por silueta e burrit të dashuruar që pas dhjetëra vitesh martesë, vijon ende t’i dhurojë gruas trëndafila, është e një personazhi të njohur të ekranit. Bëhet fjalë për ish-drejtorin e Policisë së Tiranës, Mit’hat Havari, një personazh i njohur i ekranit shqiptar, i cili ka qenë aktiv për ngjarje të ndryshme në vend.
Moment i shkrepur është parë dhe nga ai vetë, e nisur nga fotoja që u shndërrua në virale, ai shpjegon se këtë trëndafil po ia çonte bashkëshortes që i ka qëndruar besnike në ato ditë të vështira të 35 viteve jetë së bashku.
Pavarësisht dhimbjes së saj për humbjen e të ëmës së afërmi, ai shkruan se kjo nuk e pengoi të kryejë ritualin, t’i çonte trëndafilin e kuq për t’i thënë që “jeta vazhdon, e dashur”.
“Ndjehem i privilegjuar që gazetari Italian më ka përzgjedhur mua Ditën e “Shen Valentinit” duke bërë këtë foto me trendafil të kuq në dorë, të cilin po ia çoja sime shoqeje që më ka qëndruar besnike në ditët e vështira të jetës plot 35 vjet.
Nëna e saj ditë më parë ndërroi jetë, por kjo nuk më pengoi të bëja ritualin t’i çoja trëndafilin e kuq e përveç dashurisë që kam për të, t’i thoja se jeta vazhdon e dashur!”, shkruan ai ndër të tjera. (XH.A/SHUPLAKA)
Discussion about this post