Një aksident i rëndë ka ndodhur para pak minutash në Rrugën e Kombit. Një kamion ka dalë nga rruga dhe është kthyer përmbys, ndërsa ende nuk është nxjerrë shoferi nga mjeti.
Sipas dëshmitareve shoferi ndodhet pa ndjenja në gjendje të rëndë, dhe si pasojë e përmbysjes së kamionit nuk po nxirret dot pasi është bllokuar dera.
Ndërsa në vendngjarje kanë mbërritur edhe shërbimet zjarrfikëse për të nxjerrë drejtuesin e mjetit, po ashtu në vendin e aksidentit ndodhet edhe policia.
Nga hetimet paraprake dyshohet se shoferin mund t’a ketë zënë gjumi. Siç shihet nga pamjet kamioni është përplasur fort në anë të rrugës.
Ngjarja ka ndodhur saktësisht 3 km para vendit të quajtur Ura e Kukësit. (E.K/FAXWEB.AL)
