Fotot/ Aksident me dy të vdekur në Tiranë, makina përplas çiftin mbi vijat e bardha

Një aksident i rëndë ka ndodhur pak minuta më parë në afërsi të zonës së Porcelanit në Tiranë, ku dyshohet se dy persona kanë humbur jetën.

Dy mjete janë përplasur mes tyre, dhe derimë tani dyshohet për të paktën 2 viktima, të cilat sipas raportimeve të para janë një çift bashkëshortësh, identiteti i të cilëve nuk bëhet ende i ditur.

Aksidenti ka ndodhur mbi vijat e bardha, dhe dyshohet se viktimat kanë qenë kalimtarë, të moshës 40-50 vjeç.

Policia ndërkohë ka shoqëruar drejtuesit e mjeteve që u përplasën mes tyre.

Njoftimi i policisë:

Rreth orës 15:15 në rrugën “Xhanfize Keko” automjeti me drejtues E. L, është përplasur me automjetin me drejtues E. M.

Si pasojë e përplasjes janë përshirë në aksident dhe dy këmbësor të cilët kanë ndërruar jetë në vendngjarje.

Dy drejtuesët e automjeteve E. L dhe E. M janë shoqëruar në komisariat për veprime të mëtejshme hetimore.

Policia rrugore ndodhet në vendngjarje, ku po vijon punën për sqarimin e rrethanave të ngjarjes dhe identifikimin e dy shtetasve që ndërruan jete.

(E.K/Faxweb.al)