Ditën e djeshme Faxweb.al publikoi fotot ekskluzive, ku shihej Ben Blushi dhe biznesmeni Samir Mane duke shkuar në godinën e kryeministrisë, me gjasë për një takim me Edi Ramën. (lexo ketu)
Lajmi u bë menjëherë viral, për faktin se Rama dhe Blushi përplaseshin në Kuvend sa herë që kishte seanca në legjislaturën e kaluar, po mesa duket kjo tashmë i përket të shkuarës. Blushi tashmë nën drejtimin e Top Channel, duket se është kthyer në një mik të besuar të Ramës, njësoj si në kohën kur ata i bënte bashkë pasioni për median e shkruar dhe artin.
Një prej atyre që e ka komentuar takimin e djeshëm është dhe analisti i njohur Artur Zheji, i cili ka shfaqur dyshime nëse ish-deputeti i Partisë Socialiste, Ben Blushi mund të jetë kryeministër i një qeverie tranzitore.
“Kam një pyetje që është e natyrës gossip. Sipas një thashethemi sot Blushi është fotografuar duke hyrë në Kryeministri. Mos është duke u biseduar për t’ia besuar qeverinë tranzitore Ben Blushit? Mund të jetë një kandidaturë? Ben Blushi mund të jetë kryeministër”, tha Zheji në studion e emisionit të tij.
(E.K/FAXWEB.AL)
