Këtë të Hënë, Parlamenti i Shqipërisë nisi sesionin e ri, i pari në historinë pluraliste të vendit kur opozita nuk është prezente për faktin se ka djegur mandatet që prej muajit shkurt e ndërsa pjesa më e madhe e mandateve të tyre janë zëvendësuar nga deputetë të rinj të ardhur nga listat.
Ndërkohë, ky sesion vjen në një situatë mjaft delikate sa i përket aktualitetit politik në vend, ku opozita ka paralajmëruar protesta të pandërprera, Presidenti ka dekretuar zgjedhjet vendore të mbahen me datë 13 Tetor, ndërsa ka propozuar që njëherësh me to të zhvillohen edhe zgjedhje të parakohshme të përgjithshme, ndërsa mazhoranca vijon të jetë e vendosur në qëndrimin e saj duke injoruar kushtet e opozitës.
Agjencia LSA ka shkrepur foto të “veçanta” nga Parlamenti, ku shihet kryeministri Rama duke diskutuar me zëvendësin e tij Erion Braçe, që në disa foto shihen duke qeshur por në disa momente të tjera ka pasur edhe seriozitet të theksuar ku duket sikur ka edhe nervozizëm.
Nga jashtë, deputetët shihen me veshje “shic” dhe nuk mungojnë as makinat luksoze.
(F.GJ/FAXWEB.AL)
Discussion about this post