Zyrtarët e qeverisë Rama janë akuzuar shpesh për kohën dhe biletat që shpenzojnë me fluturimet ajrore, dhe mesa duket udhëtimet e tyre nuk njohin orar.
Mëngjesin e sotëm rreth orës 04.20 minuta me avionin e linjës ‘Austrian Airlines’ janë parë të nisen në fluturim ish-ministri i Shëndetësisë, njëherësh deputet i PS, Ilir Beqaj, ish-ministrja dhe deputetja Eglantina Gjermeni, dhe ministri i Turizmit dhe i Mjedisit, Blendi Klosi. Mësohet se ata po udhëtojnë nga Tirana drejt Vjenës, por nuk dihet nëse është një destinacion tranzit apo jo.
Ajo që vihet re në këtë fotot e ”Politiko.al” është padyshim dhe përgjumja e Ilir Beqajt, i cili hera herë vendos kokën në mbështetësen e avionit. Ndërkohë që Klosi dhe Gjermeni udhëtojnë në ‘business class’ në avion.
Discussion about this post