Dalin detaje të reja nga atentati në Vlorë ku nga të shtënat me armë mbetën të vdekur dy persona si dhe u plagos rëndë një tjetër.
Gjenden 3 kallashnikovë në makinën e djegur në fshatin Babicë të Vlorës.
Dyshohet se këto kallashnikovë janë përdorur nga autorët, të cilët u larguan menjëherë nga vendngjarja.
Burime për Fax News bëjnë të ditur se viktimave Orest Rexhos dhe Arjan Hasanit të moshës 35-40 vjeç, u është prerë rruga 200 metra përpara se të hynin në rrugën kryesore.
Mësohet gjithashtu se Orest Rexho ishtë pronar i një lokali në lagjen “24 Maj”.
Mjetit të cilit i është prerë rruga është në pronësi të Arjan Hasanit.
Armando Sulejmani është personi i cili ka mbetur i plagosur nga ky atentat dhe që dyshohet se ka qenë edhe objektivi i tij.
Sulejmani ka marrë dy plumba, një krahë dhe një në këmbë. Sipas burimeve ky rezulton të ketë qenë i dënuar me 20 vite burg për vrasje në tentativë.
Një emër i njohur ky për drejtësinë, si pjestar i bandës së Gaxhait, Sulejmanit iu bë një tjetër atentat në maj të vitit 2016.
Armando Sulejmani, i njohur me nofkën “Çipuri”, u qëllua në 2016 nga dy persona, duke u plagosur. Ngjarja në atë kohë ndodhi në hyrje të pallatit ku Sulejmani banonte.
Në 2016 ai mundi ti shpëtonte atentatit pasi iu kundërpërgjigj breshërive të armëve. Megjithatë, emri i Armando Sulejmanit është i njohur për Vlorën. Ai njihet si një nga anëtarët e Bandës famëkeqe të Gaxhait, drejtuar nga Gazmend Braka, rivalë të Zani Çaushit dhe të akuzuar për vepra të rënda të kryera në vitin 1997.
Sulejmani njihej me nofkën “Çipuri” dhe pas kryerjes së dënimit me 20 vite burg, kishte dalë i lirë. Ai akuzohej për vrasjen e mbetur ne tentative te shtetasit Robert Boraku, ngjarje e ndodhur në datën 22.6.2002.
Policia ka ngritur postoblloqe në disa pika kryesore rrugore.
Autorët janë larguar drejt fshatit Kaninë ku në në lagjen “Çerje” braktisën mjetin duke e djegur.
(F.GJ/FAXWEB.AL)
Discussion about this post