Një incident ka ndodhur në Kuvend, teksa deputetit Tom Doshi i është thyer karrigia e tij.
Menjëherë shërbimet e Kuvendit kanë ndërhyrë për zëvendësimin e saj, ndërsa situata është shoqëruar dhe me disa momente ilariteti.
Qendrimi në këmbë i Doshit është komentuar nga Rudina Hajdari që kishte fjalen në ato momente, ndërkohë që Doshi duke qeshur i ka drejtuar karrigen e tij të thyer, duke i thënë që ta merrte ajo karrigen e tij.
Në seancën e sotme në Kuvend, që është dhe e fundit për këtë sesion parlamentar, po diskutohet lidhur me paketën Antishpifje, të propozuar nga mazhoranca socialiste, dhe të kundërshtuar nga përfaqësuesit e mediave në vendin tonë.
Në asnjërën prej pikave të rendit të ditës, nuk figuron emri i Doshit si diskutant, dhe mesiguri do ti duhet një karrige edhe më e qendrueshme.
