Një klan kriminal që sfidoi shtetin për vite me radhë, duke përhapur frikë dhe terror në të dyja anët e kufirit. Një luftë e pamëshirshme mes bandave rivale, që la pas vetes viktima dhe gjurmë gjaku në rrugët e qyteteve. Dhe në fund, një operacion spektakolar policor që tronditi Europën dhe shkatërroi një nga organizatat më të fuqishme kriminale shqiptare.
Si u ngrit perandoria e Franc Çopjas? Cilat ishin aleancat dhe tradhtitë që i forcuan apo dobësuan klanin e tij? Çfarë roli luajtën rivalët në përplasjet e përgjakshme dhe si arritën autoritetet të çmontojnë rrjetin kriminal që shtrihej nga Shqipëria në disa vende të Europës?
Mes hakmarrjeve, sekreteve të errëta dhe një beteje të gjatë për drejtësi, historia e Franc Çopjas është një rrëfim i jashtëzakonshëm për fuqinë, ambicien dhe rrëzimin spektakolar të një prej figurave më të njohura të botës së krimit shqiptar.
Mos e humbisni këtë të diel, ora 20:00, “Shenjat e Krimit” në Fax News! Një dokumentar ekskluziv që zbardh prapaskenat e një historie të vërtetë, plot mister dhe intrigë, që sfidon çdo skenar filmi!
