Autoritetet franceze akuzojnë qeverinë sirianë si përgjegjëse për sulmin me armë kimike të 4 prillit. Sipas tyre, nga analizat e kryera ka rezultuar se qeveria siriane ka përdorur gazin sarin, ku për pasojë në qytetin e Khan Sheikhoun, u vranë më shumë se 80 vetë.
“Burime të sigurta konfirmojnë se procesi i fabrikimit të mostrave të gazit sarin që u morr për egzaminim nga ne, është tipik me metodën që zhvillohet në laboratorët sirianë”, u shpreh ministri i Jashtëm francez Jean-Marc Ayrault.
Në raport thuhet se shteti francez mori mostrat e veta nga sulmi i 4 prillit, që tregon praninë e gazit sarin dhe të një elementi stabilizues. Në raport citohet gjithashtu se Shteti Islamik dhe grupet e tjera militante nuk e posedojnë llojin e këtij gazi.
Nga ana tjetër, presidenti sirian Bashar al-Assad hodhi poshtë pretendimin se ushtria e tij ishte përgjegjëse për sulm me gaz sarin në Khan Sheikhoun.
(XH.A/SHUPLAKA)
