Gjykata e Colmarit në Francë ka liruar ish-kryeministrin e Kosovës, Ramush Haradinaj.
“Të gjithëve ju që më keni mbështetur në këto ditë po të kisha mundësi do ju kisha marrë të gjithëve me vete në Kosovë. Bashkë i qëndrojmë të drejtës sonë. U refuzua kërkesa për ekstradim, jam i lirë. Do marr pasaportën e do kthehem në Kosovë.”, është shprehur ndër të tjera Haradinaj pas daljes nga gjykata.
Ai u ndalua më 4 janar në Basel të Francës, në urdhrin e një fletë-arresti lëshuar nga shteti serb.
Ish-kryeministri Ramush Haradinaj, i cili akuzohej nga Serbia për krime lufte, doli sot sërish para Gjykatës në Colmar. Në videon e siguruar nga “DW” shihet se si forca të shumta të policisë franceze rrethuan Gjykatën e Apelit. Policë të armatosur qëndronin brenda dhe jashtë gjykatës. Forca të ngjashme sigurie kishte edhe në seancën e parë të mbajtur ndaj liderit të AAK-së.
Vetë lideri të AAK-së Ramush Haradinaj, u shpreh optimist për vendimin e gjykatës në Colmar dhe i qetë për nivelin e drejtësisë franceze, por jo edhe për atë serbe.
(XH.A/SHUPLAKA)
(Lirimi i Haradinajt)
(Rrethimi i gjykates ne Colmar)
