Trajneri i Francës, Didier Deshamp në një intervistë për mediat është shfaqur mjaft entuziast për ekipin e tij pasi arriti të siguronte finalen.
Deshamp u shpreh se finalen e humbur 2 vite më parë në Europian kundër Portugalisë nuk e kemi përtypur ende.
“Kjo është diçka e jashtëzakonshme. Jam shumë i lumtur për lojtarët e mi. Ata janë të rinj, por sonte treguan karakter dhe mentalitet. Ishte e vështirë, goli erdhi nga një mbrojtës. Kishim punuar shumë në repartin defensiv, dhe mendoj se mund të shënonim edhe një për ta “vrarë” ndeshjen. I heq kapelën të gjithë lojtarëve dhe stafit tim. Kemi 49 ditë së bashkë, dhe kemi kaluar shumë së bashkë. Finalen e humbur 2 vite më parë në Europian kundër Portugalisë nuk e kemi përtypur ende. Duam fitoren në këtë Botëror.” – deklaroi Deshamp
Discussion about this post