Frika nga terrorizmi ka blinder Francën ditën e sotme, teksa qendrat e votimit janë hapur të pritur qytetarët të votojnë për 11 kandidatët, ku 4 prej tyre kanë diferenca mjaft të ngushta.
Mësohet se rreth 50 mijë policë nga xhandarmëria dhe 7 mijë ushtarë janë mobiluzuar për të siguruar mbarëvajtjen e raundit të parë të zgjedhjeve presidenciale, më të paparashikuarat, të cilat pritet të ndryshojnë shumë gjëra në kontinentin e vjetër europian.
Procesi i votimit ka nisur në orën 08:00 me orën lokale dhe do mbyllet në orën 20:00. 65 mijë qendra votimi në gjithë vendin presin qytetarët. Pas përfundimit të procesit të parë të votimit, do të publikohen exit poll-et dhe më pas rezultatet nga Ministria e Brendshme. Raundi i dytë i zgjedhjeve presidenciale pritet të mbahet më 7 maj.
Janë 11 kandidatë për President të Francës, ku katër kanë diferenca mjaft të ngushta mes tyre, Le Pen, Melenchon, Fillon dhe Macron, të gjithë me mundësinë e një balotazhi. Liderja e Frontit Nacional Marine Le Pen ka premtuar ashpërsim të kontrolleve kufitare dhe zhdukjen e terrorizmit islamik në rast se ajo do të zgjidhet në krye të Francës.
(XH.A/SHUPLAKA)
