Kombëtarja e Francës ka bërë zyrtare listën e të grumbulluarve. Trajneri Didier Deschamps ka zgjedhur 23 lojtarët që do të ketë në dispozicion për dy sfidat e fundit të kualifikuesve të Europianit, ku fillimisht përballet me Moldavinë, më pas udhëton drejt Tiranës për sfidën ndaj Kombëtares sonë.
Si gjithnjë, Deschamps nuk ndryshon shumë dhe emrat janë pak a shumë të njëjtit. Nebil Fekir është risi në sulm, ndërsa vendin e Lloris në portë e merr Areola, me Maignan dhe Mandanda që plotësojnë treshen e portierëve.
Repati që bie më së shumti në sy është padyshim sulmi, ku është i mbipopulluar me yje. Mbappe, Griezmann, Giroud apo Coman janë vetëm disa nga emrat që pritet të jenë titullarë përballë Kombëtares sonë mbrëmjen e 17 nëntorit.
