Pas mesazheve të njëpasnjëshme nga ana e presidentit amerikan Donald Trump në lidhje me protestat në Paris, ku shprehej se “Ndoshta është koha që t’i jepet fund Marrëveshjes qesharake”, Ministri i Jashtëm i Francës i bëri thirrje Presidentit amerikan që të mos ndërhyjë në politikën franceze.
“Ne nuk merremi me politikën e brendshme amerikane dhe duam të njëjtën gjë në këmbim”, tha Ministri i Jashtëm, Jean-Yves Le Drian në televizionin LCI.
“Unë dhe presidenti francez i themi Donald Trumpit: mos u merr me vendin tonë”, tha ai.
Le Drian ka reaguar ndaj mesazheve në Twitter të Presidentit Trump, ku ai shkruante se ajo që po ndodhte në Francë ishte e trishtueshme.
“Ndoshta është koha që t’i jepet fund Marrëveshjes qesharake dhe jashtëzakonisht të shpenzueshme dhe t’u kthehen njerëzve paratë në formën e taksave më të ulëta? Shtetet e Bashkuara e ka bërë këtë me kohë dhe është i vetmi vend ku çlirimi i gazeve të dëmshme, ra vitin e kaluar”, kishte shkruar më herët Trump. (B.H/Faxweb)
Discussion about this post