Kristiano Ronaldo do të jetë fituesi i trofeut “Topi i Artë” për vitin 2016. Një lajm i tillë është përhapur në të gjitha mediat nëpër botë, akoma pa u zhvilluar ceremonia e këtij eventi ku do të ndahen çmimet.
“Eurosport” ka zbuluar aksidantalisht që “France Football” në një artikull që do të publikohet ditën e nesërme shkruan që sulmuesi portugez do të triumfojë .
Në kopertinën e revistës ku ndodhet dhe foto e madhe e madrilenit shkruhet “Kristiano Ronaldo triumfon” ndërsa poshtë saj është një deklaratë e Antonie Griezman “Përfundova prapa dy përbindëshave”.
