Presidenti francez Emmanuel Macron ka deklaruar dje se Franca do rishikojë ligjin për mediat online për të luftuar ato që rëndom njihen si ‘fake news’ apo lajme të rreme.
“The Guardian” raporton se Macron ka thënë se këto lajme po kërcënojnë demokracinë.
“Nëse dëshirojmë të mbrojmë demokracitë liberale, na duhet të fuqizojmë legjislacionin”, ka thënë Macron në një konferencë me gazetarët.
Macron nuk është lideri i parë që reagon lidhur me shpërndarjen e lajmeve të pavërteta në mediat sociale. Presidenti i ShBA-ve, Donald Trump, gjatë fushatës elektorale sulmoi hapur disa nga mediat më të mëdha në Amerikë si ‘fabrika’ të lajmeve të rreme. (F.G/ Faxweb)
Discussion about this post