Në Francë është sekuestruar nga policia më shumë se një ton e gjysmë kokainë. Kjo sasi e madhe droge është sekuestruar në një plazh në jugperëndim të Francës dhe janë arrestuar 11 shtetas të huaj. Sipas policisë pjesa më e madhe e të arrestuarve janë grekë dhe ata ndodhen në paraburgim.
Sekuetrimi nisi nga një sinjalizim i shërbimeve lokale për mbrojtjen e natyrës, që dyshonin te disa kampingje të braktisura në një plazh të Mimizanit, një lokalitet i Landes.
Shtatë persona u arrestuan ndërkohë që po merrnin pakot e kokainës. Katër persona të tjerë u arrestuan në një shtëpi 20 kilometra nga plazhi. Rreth 180 kilogramë kokainë u zbuluan në këtë vend. (J.V/Shuplaka)
Discussion about this post