Françesk Radi, artisti i njohur që prej mbrëmjes së djeshme ndodhet në gjendje të rëndë shëndetësore dhe aktualisht është i shtuar në spitalin e QSUT-së. “Shuplaka” informohet nga QSUT se artisti Radi ka hemoragji të trurit dhe ndodhet aktualisht në gjendje shumë të rëndë për jetën.
Në orët e para të mëngjesit të sotëm, këngëtari Françesk Radi është dërguar në Urgjencën e Tiranës në gjendje të rëndë shëndetësore. Rreth orës 03:30 të mëngjesit, në shoqërinë e bashkëshortes Tefta, mbesës Rozana Radi dhe të tjerëve të afërm, ai ka mbërritur në gjendje kritike për jetën.
“Ajo tha se ai ishte shumë mirë. Po flinim dhe Franko, (kështu e quante ajo) kishte filluar të gërhiste shumë, duke e shoqëruar gërhitjen me kollë. Tha pastaj që u zgjua dhe gërhitja nuk i pushonte. Mjekët i thanë që është hemoragji cerebrale. I kanë vënë një tub ne fyt se s’merr dot frymë vetë. Dëgjova edhe Teftën që ju thoshte njerëzve duke qarë në telefon “ejani ju lutem, Franko po mbaron.”, ka treguar një qytetar për gruan e Françesk Radit, Tefta Radin, spikeren e njohur të lajmeve.
Po kështu për Ora News Tefta Radi është shprehur se gjëndja e Francesk Radit është shumë e rëndë. “Nëse autoritetet kanë mundësi për ta dërguar jashtë për një mjekim më të specializuar ju lutem ta bëjnë”, tha mes lotësh Tefta Radi.
(J.V/Shuplaka)
Discussion about this post