I ftuar në studion e Fax News, ambientalisti Lavdosh Ferruni ka folur për protestën e djeshme kundër ndërtimit të inceneratorit në fshatin Verri të Fierit.
“Nuk është problemi vetëm tek ndotja e Myzeqesë, por aty prodhohen pothuajse të gjitha produket tona ushqimore.
Banorërt vendosën të përkujtojnë 1-vjetorin e nisjes së protestave të tyre, pa praninë e mediave. Ata kanë 1 vit që protestojnë për këtë çështje dhe duket se sensibilizimi është rritur.
Më pëlqen ta konsideroj që kemi edhe njëlloj reflektimi nga qeveria.” – u shpreh aktivisti për protestën e banorëve të Verrisë
“Inceneratori i Elbasanit për mendimin tim, që tani është një dështim, këtë konstatova unë nga reagimi i ministrit Gjiknuri.” – tha Ferruni.
Ferruni tha se duhet të arrijmë standarded e BE, vendet e së cilës riciklojnë 40% deri 60% (Gjermania) të mbetjeve.
“Ne do ndjekim këtë rrugë apo do t’i djegim, metodë e re kjo?” – u shpreh ambientalisti.
Ferruni tha se nëse nuk i riciklojmë dot, na duhet t’i djegim. Por sipas tij, mbetjet e Shqipërisë janë mbetje me fuqi kalorifike të vogël .
“Që inceneratorët të punojnë duhen gjithë mbetjet e Shqipërisë. Përderisa nuk mbledhim dot 100% të mbetjeve të Shqipërisë, do të vijnë mbetjet nga jashtë. Ky është shqetësim kombëtar.” – u shpreh ai.
Lavdosh Ferruni tha në studion e Fax News se shumë shpejt mediat franceze dhe ato gjermane do të publikojnë një material investigativ në lidhje me ndërtimin e inceneratorëve në Shqipëri.
(E.L/Faxweb)
