Francezëve u është dashur të votojnë në mënyrë të përsëritur, më së pari për të zgjedhur presidentin e tyre të ri, e më pas për t’i dhënë formë parlamentit të ri përmes zgjedhjes së ligjbërësve.
France 24 raporton se pritet që francezët t’i sigurojnë një shumicë dërrmuese në parlament presidentit Macron, për t’i mundësuar bërjen e reformave të thella ekonomike dhe shoqërore.
Emmanuel Macron do të bëhej në maj presidenti më i ri i Francës në historinë e saj moderne, e tani, në qershor, partia e tij, LREM-i, pritet se do të fitojë 75-80% të vendeve në dhomën e ulët të parlamentit.
Pjesëmarrja në votimet në raundin e dytë të zgjedhjeve parlamentare, që tashmë kanë filluar në tërë Francën, mendohet se do të jetë e ulët. (M.D/Shuplaka)
Discussion about this post