FRD në koalicion? Topi: Jemi të hapur, por situata paraqitet shumë kaotike

Kreu i Frymës së Re Demokratike, Bamir Topi, ka reaguar lidhur me mundësinë që FRD të hyjë në koalicion me parti tjetër politike në garën zgjedhore të 2017-ës.

I pyetur për planet e kësaj partie, Bamir Topi u shpreh se vendimi i FRD-së do të vonojë, pasi mundësia për koalicion mund të merret në limitet zyrtare të përcaktimit të koalicioneve.

Sipas tij, shkak për këtë vendim është situata kaotike që karakterizon klimën politike në vend.

“Me siguri do të jetë kësaj radhe momenti final i skadimit të afateve për përcaktimin e koalicioneve, pasi për hir të së vërtetës skema politike në Shqipëri është shumë kaotike. Ne do të shohim jo vetëm interesat e FRD, por edhe synimet e partive të tjera. Ne duam që të krijohen koalicione politike për të mirën e Shqipërisë”, është shprehur Topi. (XH.A/SHUPLAKA)