Shefja e politikës së jashtme të BE, Frederica Mogherini , thotë se BE nuk do ta njohë Jeruzalemin si kryeqytetin e Izraelit, vendim ky që mori presidenti i SHBA, Donald Trump.
Kryeministri izraelit Benjamin Netanyahu, e takoi atë në një vizitë në Bruksel, dhe i kërkoi BE të ndiqte masën e SHBA.
Zonja Mogherini, e cila po fliste në një konferencë shtypi në Bruksel së bashku me kryeministrin vizitues izraelit, tha se BE do të vazhdojë të njohë “konsensusin ndërkombëtar” në Jeruzalem.
“Unë duhet të them se kryeministri Netanyahu e kuptoi, nga vetë ministrat, se ka unitet të plotë në BE për këtë, se zgjidhja e vetme reale për konfliktin midis Izraelit dhe Palestinës bazohet në dy shtete me Jeruzalemin si kryeqytetin e të dyve shteti i Izraelit dhe shteti i Palestinës.
“BE dhe shtetet anëtare do të vazhdojnë të respektojnë konsensusin ndërkombëtar mbi Jeruzalemin derisa të zgjidhet statusi përfundimtar i qytetit të shenjtë, nëpërmjet negociatave të drejtpërdrejta mes palëve”.
Por Z. Netanjahu tha se vendimi i SHBA ishte një njohje e “realitetit”.
Protestat kundër njohjes së Jeruzalemit po vazhdojnë në rajon, duke përfshirë Dahia, fortesa e Hezbollahut në Bejrut.
Në Bregun Perëndimor, dhjetëra palestinezë hodhën gurë për ushtarët izraelitë; ka pasur gjithashtu thirrje për demonstrime në Teheran dhe Bejrut.
Përveç njohjes së Jeruzalemit, Presidenti Trump tha gjithashtu se po drejtonte departamentin shtetëror amerikan për të filluar përgatitjet për të lëvizur ambasadën amerikane nga Tel Avivi në Jeruzalem.(M.Q/Faxweb)
Discussion about this post