”Fresku” vë në pranga 25 vjeçarin, kapet me 70 doza kokainë

Një 25-vjeçar ka përfunduar në prangat e policisë pasi kryente aktivitet të kundraligjshëm të shitjes së lëndëve narkotike të forta.

I riu me iniciale E.D banues në Tiranë u shiste kokainë në doza të vogla personave të ndryshëm në zonat e Freskut, Xhamllikut dhe Porcelanit.

Policia ben me dije se 25-vjeçari ka qenë i dënuar dhe më parë për për veprën penale “Shfrytëzim Prostitucioni”.

Sipas uniformave blu gjatë kontrrollit fizik dhe në banesë 25-vjeçarit i janë gjetur dhe sekuestruar në cilësinë e provës materiale rreth 70 doza lëndë narkotike e dyshuar Kokainë.

Materialet proceduriale i kaluan Prokurorisë pranë Gjykatës së Shkallës së Parë Tiranë, për veprime të metejshme hetimore.

(S.M/Faxweb.al)