Takimi i djeshëm mes Donald Trump dhe Kim Jon Un bëri një kthesë historike në marrëdhëniet mes dy vendeve, e pavarësisht kësaj tensioni ndihej në ajër.
Lideri koreano-verior e ka bërë zakon që të kujdeset maksimalisht për sigurinë e jetës së tij, duke marrë me vete edhe tualetin në çdo shtet ku udhëton.
Një frikë për ndonjë helmimi të mundshëm Kim e ka pasur dhe prej stilolapsit me të cilën do të nënshkruante marrëveshjen.
Është parë që në momentin kur do të hidhte firmën së bashku me Trump-in, atij ti vijnë në ndihmë asistentë të tij, një prej tyre dhe e motra e Kim, në mënyrë që të nënshkruante me një stilolaps të sigurtë.
Pas takimit që patën në Singapor, të dy liderët u shprehën pozitivë në ecurinë e marrëdhënieve mes vendeve të tyre.
Ajo që ka bërë jo pak habi ka qenë fjalori që është përdorur nga Donald Trump-i, duke e quajtur Kim një djalë mjaft të talentuar dhe një negociator të shkëlqyer.
(E.K/FAXWEB.AL)
Discussion about this post