Ambasada amerikane në Tiranë ka ka njoftuar që të bëhet kujdes me mashtrimet që bëhen me vizat amerikane nga individë të ndryshëm për qëllime përfitimi.
Me anë të një reagimi në faqen zyrtare të Facebook, ambasada amerikane thotë se ka kontakte nga individë të cilët kanë qenë viktima të mashtrimeve me vizat, duke përfshirë faqe interneti apo adresa që kërkojnë tarifa shtesë për të marrë një vizë.
“Rregullisht, ne kontaktohemi nga individë që kanë qenë viktima të mashtrimit të vizave. Mashtrimet zakonisht përfshijnë faqe interneti të rreme, adresa emaili dhe kërkesa për tarifa shtesë që duhet të paguhen për të marrë një vizë. Edukoni veten në mënyrë që të mos bëheni viktimë e një mashtrimi!”, shkruan ambasada.
(B.H/Faxweb)
Discussion about this post