Erion Veliaj ka qenë i ftuar në emIsionin e mëngjesit me Bashkim Hoxhën ditën e sotme ku nuk ka munguar të flasë dhe për situatën e jashtëzakonshme në të cilën gjendet kryeqyteti.
Këto ditë rezervat e ujit kanë rënë ndjeshëm në Tiranë dhe kreu i Bashkisë ka bërë thirrje që qytetarët të jenë më të kujdesshëm.
Një tjetër pyetje të cilës i është përgjigjur Veliaj ka qenë edhe nëse do të vijojë bashkëpunimi me LSI-në në Këshillin Bashkiak.
Mirëpo sipas Veliajt bashkëpunimi në nivelin lokal nuk pse të ndikohet nga zhvillimet e politikës së madhe.
“Nga unë nuk do të ketë asnjë mungesë vullneti për bshkëpunim. Besoj se duhet të vazhdojë koalicioni që ka nisur në vitin 2015 ku ne ishim së bashku me LSI-në, PDIU-në dhe FRD. Nuk kam arsye që të mendoj se bashkëpunimi do të ndërpritet”, u shpreh Veliaj.
Kujtojmë se herë pas here Veliaj ka dashur që marrëdhënien që ka me LSI-në në Bashkinë e Tiranës ta mbajë jashtë vëmendjes së zhvillimeve të politikës së madhe.
(E.K/SHUPLAKA)
