Policia e Kosovës ka mohuar raportimet e mediave ndërkombëtare se kosovari që është pjesë e ISIS, Lavdrim Muhaxheri, është kthyer në Kosovë së bashku më disa luftëtarë të tjerë.
Sipas saj, bazuar në informacionet që posedojnë, uhaxhiri nuk ndodhet brenda territorit të vendit.
“Sa i përket shqetësimit, ne u konfirmojmë se i apostrofuari nga ana juaj nuk ndodhet në Kosovë, këtë e themi mbështetur në të dhënat që kanë institucionet e sigurisë vendore dhe ndërkombëtare”, thuhet në përgjigjen e Policisë së Kosovës për “lajmi.net”.
Ditë më parë, mediat e huaja kanë raportuar se Muhaxheri së bashku më 400 luftëtarët e tij më të besuar kanë braktisur zonat e luftës në Siri. Sipas gazetës italiane ‘L’Espresso’, duke cituar shërbimet inteligjente, shkruante se ata ndodhen tashmë në Kosovë. (A.R/SHUPLAKA)
Discussion about this post