Më 5 shtator 2017 Kombëtarja e Shqipërisë luan ndeshjen e rradhës përballë asaj maqedonase, ndeshje e vlefshme për Eleminatoret e Botërorit “Rusi 2018”.
Por ashtu si Federata Italiane e Futbollit, që zgjodhi Palermon qytetin që do të presë ndeshjen kundër kuqezinjëve, nga frika e një fluksi të lartë tifozësh shqiptarë nëse do të luhej në një qytet tjetër, edhe pala maqedonase duket se ka vepruar në të njëjtën mënyrë.
Ndeshja mes Maqedonisë dhe Shqipërisë do të luhet në stadiumin e Prilepit, i cili ka filluar të rindërtohet gjatë këtyre ditëve dhe punimet po vazhdojnë me një ritëm të lartë. Sipas të gjitha gjasave, pritet që punimet të përfundojnë shumë shpejt dhe ndeshja mund të luhet pikërisht aty ku dëshiron shteti fqinj.
Stadiumi do tëp ketë një kapacitet prej 18 vendesh, shumë i vogël krahasuar me “Filipi i II” në Shkup, i cili është mbi 35 mijë vendësh.
Në rast se ndeshja do të luhej në Shkup atëherë numri i tifozëve shqiptarë në stadium do të ishte shumë i lartë, ndoshta më shumë se edhe vetë maqedonasit.
Në vitin 2011 Shqipëria ka zhvilluar një ndeshje në Prilep, e mbyllur në barazim 0-0, por ku nuk munguan koret raciste në adresë të shqiptarëve.
Grupimi i tifozëve maqedonas “Majmuni”, të cilët nuk ndaluan asnjëherë për 90-të minuta me parullat: “Dhoma gazi për shqiptarët”, “Shqiptari i vdekur është shqiptari i mirë”, “Lufta për çlirim”.
