Numri i emigrantëve të mbërritur në Europë përmes Detit Mesdhe duke zbarkuar kryesisht në Itali e më pak në Maltë, është rritur me 20% gjatë 2016-ës, sipas “Frontex”.
Bëhet fjalë për një total prej 181,000 të ardhur, numri më i madh i emigrantëve të regjistruar ndonjëherë. “Frontex” shkruan se kjo përbën një rekord për Italinë.
Kjo shifër e lartë pasqyron një presion migrator nga Afrika. Që prej vitit 2010, Italia është përballur me një numër të madh emigrantësh nga Afrika Perëndimore që i drejtohen shtetit italian si vend tranzit për të zbarkuar më pas në shtete të tjera europiane.
Shumica e emigrantëve janë shtetas nga Nigeria, e cila ndiqet nga Eritrea, Guinea, Bregu i Fildishtë dhe Gambia. (XH.A/SHUPLAKA)
