Frrokaj kërkonte lirimin e tij, çfarë vendosi gjykata për kryebashkiakun e Lezhës

Gjykata e Apelit në Shkodër vendosi masën e sigurisë “Arrest shtëpie” pa mbikëqyrje policore për kryebashkiakun e Lezhës, Fran Frrokaj.

Kryetari i Bashkisë së Lezhës, Fran Frrokaj pati apeluar masën e arrestit të shtëpisë ndaj tij, e cila u dha pak javë më parë.

Fran Frrokaj së bashku me 22 zyrtarë të tjerë akuzohen se në bashkëpunim me njëri-tjetrin kanë tjetërsuar tokën në zonën e plazhit, duke e kthyer në pronë private e më pas duke e shitur kundrejt vlerave të konsiderueshme monetare.

Nga 23 zyrtarë të përfshirë, 13 u arrestuan (vetëm dy në masë arrest me burg) ndërsa 11 të tjerë janë ende në kërkim nga policia si të përfshirë në skemën e tjetërsimit të pronës.

(M.Q/Faxweb)