”Frymëmarrje e drejtuar nga aparaturat”, si është tani gjendja e mjekut Zhurda

Tefik Zhurda, mjeku që po lufton me jetën pas tentativës së vetëvrasjes, gjendet në gjendje të rëndë. Këtë e pohon nëndrejtori i Spitalit të Traumës, Arben  Zenelaj .

Ai thotë në një prononcim për ‘’Dritare.net’’, se gjendja e tij është mjaft kritike dhe mbahet në jetë falë frymëmarrjes të drejtuar nga aparaturat.

Nuk po na pëlqen reagimi neurologjiki tij, pohon doktori , duke shtuar se ai ende nuk është zgjuar, gjë që tregon se ka truri ka vuajtur shume.

” Dr Zhurda është i stabilizuar me puls e tension,por nuk reagon nga ana neurologjike. Nuk ka mundësi të ketë folur. Ai është  në frymëmarrje me aparat.”

Dr. Arben Zenelaj thotë se ka fjalët më të mira për kolegun, i cili ka qenë shef i reanimacion-anestezise deri para 1 viti në ish Spitalin Ushtarak. “Pa shtuar asgjë mund te them: I përkushtuar ndaj profesionit ,i dhimbsur me pacientet,i kujdesshëm me koleget,i etur për dije sa me te thella.

Ka qene në krye të punës ne shume e shume raste te lehta apo te vështira. Kurrë nuk është tërhequr,

edhe pse shume prej mjekeve te afte ne mos e kane bërë,  po e mendojnë ta bëjnë.

Kjo sepse gjendemi në një lufte jo te barabarte.

Do na mjaftonte lufta me sëmundjen. Por Policia, prokuroria, gjykata, opinioni ,media janë shumë.

Gjithmonë e me shume ka vështirësi t’i mbledhësh mjeket ne konsulta apo të bëjnë shënime në kartela,pasi ne rast fatkeqësisë të pacientit,të gjithë ata qe kane shënuar në kartele gjenden te akuzuar. Pothuaj 300 mjekë janë nen akuze penale ne Shqipëri. Nuk ndodh askund tjetër. E pamundur te besh punën në këto kushte.”

Nëndrejtori i Spitalit shpreh revoltën e tij, edhe nën ndikimin e gjendjes së kolegut, i cili është në koma, në repartin që dikur drejtonte. Kjo ngjarje ka shkaktuar shumë reagime për shkak se gjatë një operacioni rutinë humbi jetën një fëmijë, ndërsa mjeku anestezist nën presion , i injektoi narkozë. Të gjithë mjekët e kanë marrë atë në mbrojtje, duke dalë hapur për herë të parë,kundër medias dhe opinionit publik që në raste të tilla i do mjeket ne burg. Ndërkaq familja e Blertes po përcjell ne heshtje vogëlushen e tyre fatkeqe. (E.K/SHUPLAKA)