Pasi policia italiane e kapi me kokainë, 39-vjeçarja shqiptare përfundon prapa hekurave.
Ngjarja ka ndodhur gjatë mbrëmjes së kaluar në fshatin Cassano Adda në Milano.
Mediat italiane shkruajnë se pas një kontrolli në mjetin e saj, karabinierët zbuluan plot 3 qese të vogla me kokainë si dhe 270 euro, brenda një buzëkuqi.
Pas kësaj, policia ushtroi një tjetër kontroll në banesën e saj, ku u zbuluan edhe 6 gramë të tjerë kokainë si dhe shuma prej 2,300 eurosh.
Mësohet se shqiptarja nuk ishte një emër I panjohur për policinë italiane, pasi ishte ndaluar edhe herë të tjera për vepra të tjera penale. (D.D/Shuplaka)
