Deputeti i ri i ardhur nga listat e Lëvizjes Socialiste për Integrim, Ylli Shehu, i cili u betua në Kuvend pak ditë më parë, ka fshehur në formularin e dekriminalizimit depozituar në KQZ, një denim për kontrabandë, fallsifikim dokumentash dhe të fallsifikimit të vulave, stampave ose formularëve.
Vendimi për dënimin e tij është i datës 18 Nëntor 2008, dhe është dhënë nga Gjykata e Rrethit Gjyqësor Korçë.
Gjykata e Korçës e ka gjetur fajtor Shehun për tre vepra penale të cilat kanë të bëjnë me futjen e një automjeti në vitinn 2003 pa paguar detyrimin e saktë doganor duke tentuar ta zhdoganonte në Degën e Doganës së Korçës me dokumenta të rreme, mjet të cilin Shehu e ka shitur një vit më vonë.
Në përfundim të gjykimit, gjykata pasi dëgjoi pretendimet përfundimtare të organit të Prokurorisë pranë Gjykatës se Rrethit Gjyqësor Korçë, përfaqësuar nga prokurori Edmond Shytko, i cili kërkoi: Deklarimin fajtor të Ylli Shehut, për veprën penale të kontrabandës me mallra të tjera dhe në bazë të nenit 174 të K.Penal dënimin e tij me 200.000 lekë gjobë.
Gjithashtu gjykata ka vendosur të deklarojë fajtor Ylli Shehun për veprën penale të fallsifikimit të me 200.000 lekë gjobë, si dhe deklarimin fajtor të tij për veprën penale të fallsifikimit të vulave, stampave ose formularëve dhe dënimin e tij me 200.000 lekë gjobë.
Në bashkim të denimeve Ylli Shehu u gjobit me 600.000 lekë.
Kjo rrezikon që deputeti i cili sapo ka marrë detyrën për të plotësuar listën e vendeve vakante për shkak të djegies në mandateve në bllok nga opozita, ta lërë Kuvendin.
