Policia britanike ka arrestuar një grua vendase, pasi u pikas se kishte futur tre shqiptarë në bagazhin e makinës. Ajo e kishte bërë këtë gjë, në këmbim të disa paundëve, për t’i kaluar shqiptarët si klandestinë në Britani.
Historia është e vjetër megjithëse tani është bërë publike nga mediat vendase. Kapja e saj është bërë rreth tre javë më parë dhe e arrestuara është Jackie Willis, 53 vjeç, nga Feltham, West London.
Ajo po përpiqej t’i transportonte tre emigrantët nga Calais, më pas në Dover me destinacion në Eurotunnel.
Avokatja e saj, Isabelle Pauwels thotë se Willis i ishin ofruar 3,000 paund nga secili shqiptar dhe shuma e majme e kishte tunduar.
“Te Sun” raporton se Willis ishte menaxher e lartë në firmë hotelierie dhe shkoi duke qarë në gjykatë, ku edhe u dënua për gjashtë muaj.
Discussion about this post