Mesa duket Federatës Shqiptare të Futbollit nuk i kanë mbërritur informacionet nga merkatoja e verës mbi futbollistët shqiptar. Në listën me 26 futbollistë të publikuar nga trajneri Panuçi për dy ndeshjet e fundit të eliminatoreve kundër Italisë dhe Spanjës figurojnë edhe emrat e Ledian Memushajt e Liridon Latifit.
Në tabelën e e shpallur nga federata krahas emrave të futbollistëve shënohet edhe skuadra ku ata aktivizhen.
Kështu për FSHF-në Ledjan Memushaj akoma luan me Pescara-n, ndërkohë që ai këtë verë u transferua tek Benevento.
Të njëjtin gabim FSHF ka bërë edhe me Liridon Latifin. Aktualisht Latifi aktivizohet në akademinë Pushkash në Hungari, ndërkohë që në listën e publikuar del sikur ai është akoma pjesë e Skënderbeut. (B.H/Shuplaka)
