Pak momente më parë Federata Shqiptare e Futbollit ka shkarkuar disa nga trajnerët e ekipeve të moshave, por ai që ka shpëtuar ka qenë vetëm Alban Bushi, i cili drejton ekipin e Shpresave U-21.
Ndërsa, Erjon Bogdani nuk do të jetë trajner i Kombëtares U-19, teksa vendin e tij e ka zënë, ish-mbrojtësi Nevil Dede. Sa kaq kjo rrokadë ka prekur edhe Kombëtaren U-17 ku pas largimit të Mustedanagiç, i cili do të mbajë postin e drejtorit të ekipeve kombëtare, vendin e tij e ka zënë Elvis Beqiri, raporton SP.
Por, nuk ka mundur të shpëtojë as trajneri i Kombëtares U-15 Eqerem Memushi. Ky i fundit është shkarkuar dhe pozicionin e tij e ka zënë ka marrë Armand Damo. Të gjithë trajnerët e rinj pritet të prezantohen ditën e nesërme, pasi do të mbahet një konferencë shtypi.
Ky vendim i FSHF-së, vjen pas paraqitjeve të dobëta të ekipeve të moshave.
Discussion about this post