Në një kohë që PS mban sot Kongresin e saj Kombëtar, dhe për të mbushur sheshin ka ftuar të madh dhe të vogël, duket se ftesa ka munguar për një socialist të vjetër siç është ish-kryebashkiaku i Vlorës, Shpëtim Gjika.
Përmes një statusi në rrjetet sociale ai ka bërë dhe një ironi me datën 23 Mars, kohë kur iu bashkua socialistëve në ditët e tyre të vështira në vitin e largët 1992.
Reagimi i Gjikës:
Si sot 27 vite më parë, më 23 mars 1992, me dëshirë dhe bindje të plotë, mora teserën e antarësisë në Partinë Socialiste, edhe pse vetëm një ditë më parë kishte humbur zgjedhjet dhe kishte dalë në opozitë!
Sa mirë do ishte, që ta kisha të paktën një ftesë pikërisht sot për në Kongresin e PS-së!
Thjesht si simbolikë, duke qenë që konçiduan në të njëjtën ditë!
Kujtojmë se Gjika pavarësisht faktit që nuk u rikandidua për Vlorën, ka bërë fushatë aktive për PS-në dhe ka mbetur një nga socialistët e flaktë, në qytetin ku kryeministri Rama u zgjodh vetë deputetë.
(E.K/FAXWEB.AL)
Discussion about this post