Fuçitë, a është ky ”trendy” më i ri i fshehjes së drogës? Tjetër rast zbulohet në Gjirokastër

Dy raste të trafikimit të drogës ditën e sotme janë pothuajse identike. Fshehje e lëndëve narkotike në fuçi plastike. A mund të jetë kthyer kjo në ‘’trendin’’ më të ri të shqiptarëve?

Duhet thënë se ditë pas dite janë zbuluar taktika të reja përsa i përket të fshehjes së drogës në banesë.

DETAJET E POLICISË;

Goditet një tjetër rast i “Prodhim dhe shitje narkotikësh”. Sekuestrohen 4.5 kg lëndë narkotike, e dyshuar Cannabis Sativa.

Arrestohet në flagrancë poseduesi i lëndës narkotike. Nga Specialistët e seksionit për Hetimin e Narkotikëve u bë arrestimi në flagrancë i shtetasit :

Muzafer Shkrepa, 61 vjeç, banues në fshatin Kolonjë, Gjirokastër. Arrestimi i këtij shtetasi u bë pasi: Nga kontrolli i ushtruar në stanin e këtij shtetasi në fshatin Kolonjë, Gjirokastër, u gjet një sasi prej 4.5 kg lëndë narkotike, e dyshuar Cannabis Sativa.

Lënda narkotike u sekuestrua në cilësinë e provës materiale. Materialet i kaluan Prokurorisë Pranë Gjykatës së Shkallës së Parë Gjirokastër, për veprën penale “Prodhim dhe shitje të lëndëve narkotike”, parashikuar nga neni 283 i Kodit Penal. (E.K/SHUPLAKA)