Fuga-deputetëve të pakënaqur: Ikniiiiii! Po pse mo i trashëgueshëm dhe i përjetshëm është posti?

Listat e deputetëve janë shoqëruar me debate të shumta kjo edhe për faktin se disa prej emrave të vjetër në Partitë e së majtës janë lënë jashtë.

Normalisht kjo është shoqëruar me pakënaqësi. Shumë prej tyre madje kanë paralajmëruar edhe reagime.

‘’Nga ana tjetër akademiku Artan Fuga ka deklaruar se dinjitozë do të ishin ata që iknin pa bërë zë, se tek e fundit kanë ndejtur shumë.

Po pse mo i trashëgueshëm dhe i përjetshëm është posti i deputetit?

Dinjitozë ata deputetë a deputete që ikin në punë të tyre pa bërë zë, ose thonë se mjaft ndejtën.

Pse mo me mijra vite të njejtët deputetë të PS dhe PD, PRUT, PRSD, LSGCPF, MUCBRSQP do të durojmë ne’’, shkruan ndër të tjera Fuga.

SHKRIMI I PLOTË I FUGËS:

Ikniiiiii !

Po pse mo i trashëgueshëm dhe i përjetshëm është posti i deputetit?

Dinjitozë ata deputetë a deputete që ikin në punë të tyre pa bërë zë, ose thonë se mjaft ndejtën.

Pse mo me mijra vite të njejtët deputetë të PS dhe PD, PRUT, PRSD, LSGCPF, MUCBRSQP do të durojmë ne?

I hoqi? Do i heqin? E cfarë pastaj?

Po përse tre dekada deputetë do vazhdojnë disa?

Dhjetra vite deputetë, ministra, kryebashkiakë, hryeministra do të vazhdojnë?

Pse mbretër janë, që lindin mbretër dhe vdesin mbretër.

Ikni në punën tuaj! Mjaft! Falenderime për aq sa keni bërë.

Pse me tapi e keni?

Politika nuk bëhet vetëm në Kuvend.

Mësojuni të jeni në opozitë dhe pa qenë në karrike deputetësh.

Nuk është pronë posti i deputetit.

As profesion.

As i trashëgueshëm nga i ati te biri, nga biri te stërbiri.

Se opozita e ngrohtë në Kuvend u pa se çfarë prodhon!

Me lluks, vetura dhjetra mijra eurosh, shishe alkooli qindra euroshe, çanta mijra dollarësh, do bëhet opozitë mo?

Njerën dorë në revani, tjetrën në bakllava!!!

Ca që nuk i dëgjuam kurrë, dhe i dëgjojmë te qajnë për një copë magazinë!

Asgjë, pikë gjëje, gjë pe gjëje!

Vetëm pret radhën për të kap përsëri pushtetin, tenderat, postet, avionat, pronat, rrogat, privilegjet!

Ikni! Mjaft!

A e kishin lënë gjithë pushtetin në duart e kryetarit! A ishin dakord të zgjidheshin e të kënaqeshin duke i vënë ai në lista dhe duke iu fshehur popullit! Tani i hoqi, kur i vinte iu pëlqente! Apo jo!

Ore a ka më etikë ky vend!