Fuga e quan Veliajn figurë të dorës së dytë, kritikon Bashës pse merret me të: Çfarë domethënë kjo ulje e rangut të kritikuesit?

Akademiku Artan Fuga ka reaguar sot në lidhje me përballjen e djeshme në distancë mes kryetarit të Bashkisë Erion Veliaj dhe Lulzim Bashës.

Duke e quajtur Veliajn  një politikan të dorës së dytë Fuga shprehet se me kritikat ndaj Veliajt duhet të merren këshilltarët bashkiakë, duke dhënë shembullin e Leonard Ollit.

“Opozita po grricet me figura politike të dorës së dytë të pushtetit, specifikisht me kryetarin e bashkisë së Tiranës. Çfarë domethënë kjo ulje e rangut të kritikuesit? Kjo është puna e Nard Ollit.

Nuk ka më keshilltarë demokratikas në këshillin tonë bashkiak? Apo duhet gjet medoemos një tabelë qitjeje stërvitore”, shprehet Fuga.

Kujtojmë se dje pati një debat në distancë mes Veliaj dhe Bashës, ku kreu i demokratëve e quajti Veliaj një njeri kërmë që do t’i vijë dita shumë shpejt.

“Erion Veliaj, kërmë njeriu që shpif me të njejtën lehtësi që shkel mbi gjakun e fëmijëve në Sharrë, që korrupton prokurorë e gjyqtarë, do të të vijë dita shumë shpejt’’, shprehej Basha pasi Veliaj kishte hedhur mjaft akuza në drejtim të tij dhe të familjes.

(E.K/SHUPLAKA)