Artan Fuga i është përgjigjur Akademisë së Shkencave, pasi kjo e fundit pati publikoi dje amanetin e fundit të Dritëro Agollit për të njëjtin institucion.
Fuga ironizon Akademinë, e cila në ditët kur shkrimtari u sulmua edhe pse kishte ndërruar jetë, heshti duke mos e mbrojtur.
” Se kryesia nuk e mbrojti Agollin kur ditët e zisë për të disa hodhën baltë !
Unë i dola Zot ashtu modestisht! Tani që ja kanë nevojën e ngrenë edhe nga Toka ku ka rënë! Boll! Koha e debateve mbaroi për mua deri në një eveniment të dytë! Më shumë fillon mërzia!”, shprehet Fuga.
Më tej ai uron që akademia të reformohet, me një drejtim të ri dhe nëse nuk ndodh të priten financat.
STATUSI:
The game is over!
Në pritje se cfarë do të bëhet me Akademinë e Shkencave, më duket se çështjet dolën, forcat u ballafaquan. Të shohim se çfarë do të bëjë kryesia e ri-ricikluar dhe qeveria.
Ata e kanë topin tani, uroj që akademia të reformohet, me një drejtim të ri, dhe uroj poashtu që qeveria poqese kjo nuk ndodh, të na presi financimet !
Koha e parave pa punë ka përfunduar në botën moderne më 4 gusht 1789 ! Pa punë nuk ka financime, miti i Akademisë ka rënë, Mbreti është lakuriq; lërini Cabein, Budën e korifejtë e tjerë, mos manipuloni me të vdekurit e mëdhenj, hajdeni me të gjallët, ata fatmirësisht nuk janë më të shihnin se ku ka katandisur akademia e tyre!
Kështu thoshte edhe Dritëroi i ndjerë, reformim nga brenda, se kryesia as të vdekurit nuk po i le rehat, kur nuk e mbrojnë të gjallët, adresohet në botën tjetër, por kur reformim nuk ka, çfarë përfundimi del sipas mjeshtrit të madh të mendimit Agolli?
Se kryesia nuk e mbrojti Agollin kur ditët e zisë për të disa hodhën baltë !
Unë i dola Zot ashtu modestisht!
Tani që ja kanë nevojën e ngrenë edhe nga Toka ku ka rënë!
Boll! Koha e debateve mbaroi për mua deri në një eveniment të dytë! Më shumë fillon mërzia!
Ndërkohë prioritet për mua mbetet përfundimi i librit “Shoqëria në kohën e komunikimit masiv dixhital” që Papirus do të nxjerri në panairin e librit në nëndor 2017.
Atje miq do të takohemi si vitin e kaluar kur pata nderin dhe kënaqësinë të shtrëngoj dorën me 1.114 vetë prej Jush!
Si edhe pasioni im për lulet. Më pëlqen edhe të flas, kuvendoj, edhe debatoj shpesh edhe me këtë lule kauçuku. Bimë e bukur që më tërheq vëmendjen! (J.V/Shuplaka)
