Fuga: Në bordet e universiteteve janë futur militantë, as në monizëm nuk ndodhte kjo (VIDEO)

I ftuar në ‘’5 pyetje nga Barbaramo’’, akademiku Artan Fuga ka komentuar në lidhje me zhvillimet politike në vendin tonë. Jo pak herë Fuga ka qenë një nga njerëzit që ka mbështetur teorinë e ‘’Republikës së Re’’.

Duke folur për centralizimin e pushteteve Fuga mori disa raste dhe njëri prej tyre është edhe ndikimi i ministrisë dhe pushtetit qendror në krijimin e bordeve universitarë. Sipas Fugës në universitet janë futur dhe militantë të partive.

‘’Univeristetet janë bërë bordet administrative, një pjesë i emëron Ministria dhe Pushteti lokal. E dini ju që në universitete kanë ardhur militantë të partive. Të cilët edhe në kohën e monizmit askush nuk do t’i pranonte. Do pranohej një  sekretar partiepo jo një militant ama’’, u shpreh Fuga.

Sipas tij ky centralizim i institucioneve bllokon zërin e lirë në universitete dhe shumë prej të rinjve ndihen të përjashtuar.

I pyetur nga gazetari se pse nuk ka një revolucion si ai i I parisit në ’68, Fuga u përgjigj: Në Paris në atë vit protestën e bënë fëmijët e të pasurve, ndërsa studentët shqiptarë janë të varfër. (E.K/SHUPLAKA)