Fuga: Vendi ka nevojë për ndryshime në qeveri. Kush përgjigjet…

Akademiku Artan Fuga thotë se vendi ka nevojë për ndryshime në qeveri.

Nëpërmjet një reagimi në rrjetin social ‘Facebook’ Fuga thotë se ai teknikisht si studiues si njeri në lidhje shumë të gjera me opinionin publik të vendit, qeveria Rama 2 ka sëpaku nevojë uluritëse për ndryshime në poste ministrash.

Postimi i plotë:

Vendi ka nevojë për ndryshime në qeveri.

—————————–

Unë nuk merrem si profesion me politikë, as nuk jam deputet, të di nëse duhen apo jo ndryshime politike tani, sot.

Kjo është punë e politikanëve, deputetëve, ambasadorëve, analistave.

Por, teknikisht, si studjues, si njeri në lidhje shumë të gjera me opinionin publik të vendit, jam i sigurt se qeveria Rama 2 ka sëpaku nevojë uluritëse për ndryshime në poste ministrash.

Ka reforma që nuk po ecin, ndjesa publike e kryeministrit është pozitive, por mos harrojmë se nga gabimi i burokratëve autistë që ai ka poshtë, rreth, dhe mbi kurriz të tij, u rraf me kamzhik populli i Kukësit. Kush nuk po i mbaron rrugët?

Kush përgjigjet për politikat fiskale të gabuara në atë taksë?

Kush nga ministrat provon me parametra teknikë se ka arritur ta justifikojë punën e vet?

Unë nuk e di, por di që pas ndjesës publike që shoqëroi dramën kukësiane, vendi ka nevojë të shohi të paktën, të paktën, ndryshime ministrash.

Ore po zëvendëskryeministër ka kjo qeveri?

(B.H/Faxweb)